Новы Двор


Вёска ў Чарнянскім сельсавеце, за 22 км на паўночны ўсход ад Маларыты. У мінулым у складзе Велікарыцкай воласці, затым гміны. У 1905 г. фальварак Чарняны — Новы Двор, 81 жыхар. У 1921 г. — калонія, 15 двароў, 105 чалавек, усе праваслаўныя.

У 1998 г. 25 двароў, 42 жыхары.

(Памяць. Маларыцкі раён: гіст.-дакум. хроніка Маларыцкага р-на / рэд.-уклад. В.Р.Феранц. – Мінск : Ураджай, 1998. – 507 с.,[8] л.іл.) 

На 1.01.2020 года — 9 двароў, 13 жыхароў.

Паабапал адзінай вуліцы Зялёная, што ў Новым Двары, стаяць  хаты. Нават не верыцца, што не так даўно тут віравала жыццё, працавалі школа і бібліятэка, малочнатаварная ферма. Цяпер навокал пануе цішыня. Калі б не расчышчаная ад снегу дарога ды пратаптаныя сцяжынкі да некалькіх хат, можна было б падумаць, што тут увогуле ніхто не жыве. Як сказалі ў Чарнянскім сельвыканкаме, у Новым Двары зарэгістравана 14 чалавек, але пастаянна пражывае  яшчэ менш людзей.

Новы Двор.jpg

Бібліяграфічны спіс

1. Герасевіч, М. Дабром за дабро / [Міхаіл Герасевіч ; падрыхтаваў] Мікалай Навумчык // Голас часу. — 2015. — 14 лютага (№ 12). — С. 3 : фота.

2. Максимук, С. Тепло, внимание и доброе слово / Светлана Максимук ; фото Олега Кременевского // Голас часу. — 2020. — 14 сакавіка (№ 20). — С. 4 : фот.

4. Максімук, С. Старонка доўгажыхарства / Святлана Максімук // Голас часу. — 2017. — 7 кастрычніка (№77). — С. 2.

Аб жыцці Міхаіла Рыгоравіча Герасевіча з вёскі Новы Двор Маларыцкага раёна. Яму споўнілася 90 год.

6. Яцушкевіч, К. Памяць пра трагедыю жыве / Кацярына Яцушкевіч // Голас часу. — 2018. — 8 мая (№34). — С. 3.

Аб жыцці Сцяпана Емяльянавіча Гарастовіча з вёскі Новы Двор Маларыцкага раёна. Больш за 40 гадоў ён адпрацаваў у мясцовым калгасе. Яго ўспаміны аб трагедыі, якая здарылася 28 сакавіка 1944 года ў вёсцы Малінаўка — фашысты знішчылі мірных жыхароў.

7. Яцушкевіч, К. Самотная пяшчота Новага Двара / Кацярына Яцушкевіч // Голас часу. —2019. — 26 студзеня (№7). — С. 9.

Аб вёсцы Новы Двор Маларыцкага раёна, яе жыхарах: старасце вёскі Галіне Анатольеўне Клебановіч; жыхарах вёскі: Міхаіле Рыгоравічу Герасевічу, Пятру Пятровічу Рабчынскім. 


Назад