Вёска ў Макранскім сельсавеце, за 14 км на ўсход ад Маларыты. У мінулым у складзе Макранскай воласці, затым гміны. У 1905 г. налічвалася 279 жыхароў, усе праваслаўныя, у 1921 г. — 48 двароў, 288 жыхароў, у 1930 г. — 80 двароў, у 1940 г. — 74 гаспадаркі, 404 жыхары.
Ёсць магазін, бібліятэка.
У 1998 г. — 107 двароў, 221 жыхар. Расказваюць, што на месцы вёскі было куп’істае балота, парослае рэдкім бярэзнікам, хмызнякамі. Пасярод балота цягнулася пясчаная града, дзе і ўзнікла з цягам часу вёска. На купінах было вельмі многа асіных гнёзд.

Памяць. Маларыцкі раён: гіст.-дакум. хроніка Маларыцкага р-на /
рэд.-уклад. В.Р.Феранц. – Мінск : Ураджай, 1998. –  С. 507.  

На поўдні ад магістралі Брэст - Kіeў размешчана невялікая вёска Асавая. На тым месцы калісьці было купістае балота, рос рэдкі бярэзнік і хмызняк. Сярод балота цягнулася пясчаная града. На градзе і з'явіліся першыя пабудовы. На балоцістых купінах людзі знаходзілі асіныя гнёзды. Адсюль і бярэ сваю назву вёска Асавая.

(Са слоў старажылаў)

Назад