З нагоды Міжнароднага дня роднай мовы ў чытальнай зале цэнтральнай раённай бібліятэцы прайшла пазнавальна-паэтычная старонка «Дзень роднай мовы». Удзельнікамі мерапрыемства сталі вучні 10-ых і 11-ых класаў ДУА "Олтушская сярэдняя школа імя А.Н. Алесіка". Накіравана мерапрыемства было на папулярызацыю беларускай мовы, выхаванне ў школьнікаў павагі і любові да роднага слова, цікавасці да твораў беларускіх пісьменнікаў.
Бібліятэкар разам з вучнямі здзейсніла, з дапамогай прызентацыі, падарожжа ў гісторыю ўзнікнення беларускай мовы, а таксама завастрыла ўвагу пра неабходнасць захоўваць яе. Падчас мерапрыемства вучні пашырылі свой слоўнікавы запас і праявілі творчыя здольнасці. Яны прынялі ўдзел у віктарыне, дзе паказалі добрыя веды твораў і вершаў беларускіх аўтараў, выконвалі заданні «Метаграммы» і «Шарады». Па заканчэнні мерапрыемства вучні пазнаёміліся з кніжнай выставай «Родная мова – тое, што нас яднае».