Кніжныя пасядзелкі “Чытаем па-беларуску разам”, на якія былі запрошаны дашкольнікі ў рамках праекта “Планета Книголюбов”, былі прысвечаны беларускай народнай казцы і вершаваным творам сучасных беларускіх аўтараў. Дзеці адказвалі на пытанні, разважалі аб тым, чаму вучыць казка, паглядзелі мультфільм па матывах вядомай казкі "Піліпка-сынок", адгадалі загадкі з кнігі Галіны Нічыпаровіч “Загадкавы свет”, гулялі ў беларускую народную гульню “Ці быць нам у згодзе ў гэтым годзе”.