У чытальнай зале цэнтральнай раённай бібліятэкі адбыўся турнір знаўцаў “Родная мова на пялёстках васілька”. У гульнявым мерапрыемстве ўдзел прынялі вучні 10 класса першай гарадской школы. Васілёк — сімвал Беларусі, а яго пялёсткі — гэта розныя грані нашай мовы: “Гісторыя”, “Песня”, “Каханне”, “Побыт”, “Спадчына”, “Старонкі мінулага”, “Сучаснасць”,“Будучыня”. Падчас мерапрыемства школьнікі цягнулі пялёсткі блакітнай кветкі і выконвалі заданні.
У кожнага ёсць сваё любімае беларускае слова, таму напрыканцы мерапрыемства школьнікі пісалі на пер'ях бусла – сімвала нашай краіны, свае любімыя беларускія словы. Гэта сімвалізавала жаданне, каб бусел данёс да кожнага жыхара нашай планеты, якая прыгожая наша беларуская мова.