20 ліпеня ў горадзе прайшоў міжнародны фестываль народнай творчасці "Са спадчынай продкаў – у будучыню", у якім прыняла ўдзел і цэнтральная раённая бібліятэка.

Была арганізавана інтэрактыўная пляцоўка "Дакраніся да вытокаў малой радзімы", якая прыцягнула ўвагу гасцей і жыхароў раёна.
На пляцоўцы былі прадстаўлены матэрыялы і праекты аб Маларыце і Маларыцкім раёне, славутасцях рэгіёна. 
Праект "Горад у люстэрку часу" дазволіў убачыць на фота, як адны і тыя ж аб'екты горада мяняліся з цягам часу.
Жыхары горада і госці з цікавасцю ўдзельнічалі ў віктарыне "Кола гісторыі", дзе адказвалі на пытанні аб развіцці Маларыты і Маларыцкага раёна, а таксама прымалі ўдзел у этнаграфічнай віктарыне "Прадметы хатняга ўжытку", дзе павінны былі назваць прадметы, адлюстраваныя на малюнках. За правільныя адказы ўдзельнікі атрымлівалі сімвалічныя прызы.